NYC: Goalmmát beaivi

Mus lea latnja hui badjin muhtin alla hoteallas. Daid maŋemus beivviid mun lean bihkon go in oainne maidege láseráigge, danne go álo lea mierká! Muhto de lei muhtin gii fuomášuhtti ahte dat ii leat mierká, muhto balvvat! Ii leat gusto duššit dihte ahte diekkár jiehtanasviesuid gohčodit «Skyskraper», dahje «balvafáskkon», sámegillii? 😀

Empire State Building oađđenlanjas - Okta dain beivviin go ii lean balvadálki!

Otne iđđes boltasin bajás seaŋggas (beare) árrat, diibmu čiežas! Doivon hui duođas ahte mis lei delegašuvdna čoahkkin Norgga FN-ambassádas, ja danin mun vulgen ge viega dohko dan guvlui gos čoahkkin (3 avenua dobbelis). Go viimmat ollejin uksii, de oaččun dieđu ahte čoahkkin ii leat ovdal go ihtin iđđes! Gah..

De mun fas jorggihit hotealla guvlui, ja njuolga side-eventai. Vuosttaš side-event lei Ruošša álgoálbmogiid birra, ja mo sii birgejit stuora fitnodagaiguin mat bahkkejit sin eatnamiidda. Doppe ledje moadde ruvkefitnodaga muitaleame mo sii ovttasbarget boazodoaluin ja muđui beroštumiiguin mat gusket álgoálbmogiidda Sakhalin nammasaš sullos, nuortin Ruoššas.. Orui buorre ovttasbargu sis, muhto dattege lei juoga mii ii orron riekta.. Sii leat addán veahážiid ja veahážiid mielde eatnamiid fitnodagaide, ruhtabuhtadusa ja skuvllaid ovddas, dahje nu gohčoduvvon «development» ovddas. Muhto dál sis eai leat earágo moadde smávva guovllu vel báhcán, gos lea vejolaš eallit árbevirolaš vieru mielde.. Eará guovllut leat gártan fabrihkaid ja asfálta vuollai. Maŋelaš gullen ahte Sakhalin sullos 2005 ledje stuora vuostečájahusat juste dákkár sisabahkkehemiid vuostá. Dán eai muitalan ruvke- ja fápmo fitnodagat..

Nubbi side-event lei boazodoalu birra, man Association Of World Reindeer Herders, Saami Council, EALÁT-prošeakta ja earát lágidedje. Fáddá lei boazodolliid eanan massima birra (miehtá máilmmi). Stádat ja fitnodagat bahkkejit eanet aht eanet eatnamiidda, ásahit orrunbáikkiid, luottaid ja fitnodagaid báikkiide mat ovdalaččas juo leat anus boazodolliin. Okta váldohástalus lea ahte boazodoallit eai ovttasbargga riikkaidgaskasaččat. Go dan eai daga, de bállejit ruvkefitnodagat ja earát ráfis váldit guovlluid. Ovtta guovllu nuppi maŋis, riikas riikii. Okta dajái ahte Skandinávia lea dat guovlu gos sisabahkken lea stuorámus hástalus.. Nubbi hástalus lea máhttit ávaštit boahtteáiggi, mii boahtá dáhpáhuvvat omd. Finnmárkkus 20 jagi geahčen? Livččii go áigi ovttasbargagoahtit maiddái eará guovlluiguin, omd. nuorta-ruošša ja Mongolia boazodolliiguin?

Govva mii čajeha mo "development" Yamal-njárggas Ruoššas caggá boazodoalu eret árbevirolaš guovlluin

Guldaleaddjit

Eambbo guldaleaddjit

Ollu duođalaš áššit.. Otne eahkes galgat mii geat leat Sámedikki ja Norggá delegašuvnnas fitnat Ruošša FN-ambassádas borráme mállásiid! Gullen ahte dohko boahtá Ruošša ruvke- ja fápmo industriija.. Mot son dat šadda? 🙂

Advertisements
Dette innlegget ble publisert i Uncategorized og merket med , , , , , , . Bokmerk permalenken.

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut / Endre )

Twitter picture

Du kommenterer med bruk av din Twitter konto. Logg ut / Endre )

Facebookbilde

Du kommenterer med bruk av din Facebook konto. Logg ut / Endre )

Google+ photo

Du kommenterer med bruk av din Google+ konto. Logg ut / Endre )

Kobler til %s