NYC: Vuosttaš beaivi

Gávcci diimmu girdis, ja de viimmat ollejin! Hotealla lea Manhattanis, gasku gávpoga, jur juste Ovttastuvvon Našuvnnaid (ON) váldoviesu bálddas!

ON váldoviessu govvejuvvon láseráigge - lagamus ránnjá!

Vuosttaš maid vásihin lei ahte dáppe leat olbmot hui hubmát! Drosjevuoddji muitalii munnje ahte dáppe lea bensiidna šaddan hui divrras, ahte dat máksá lagabui 4 dollara (sullii 20 ruvnno) 4 littara ovddas (gallon)! Mun in viššan muitalit ahte Norggas seamma mearri lea njeallje geardde divrasit, ahte máksá sullii 60 ruvnno.. Muhto gal das okta, in mun lean vuolgán deike diggot bensinhattiid alde!

Lea ollu oaidnit, in dieđe riekta gokko galggan álgit! Vuosttaš beaivvi lei Álgoálbmot foruma almmolaš rahpan. ON váldovissui ledje čoahkkana ollu badjel duhát álgoálbmot áirasa ja earát, miehta máilmmi čoahkkanan deike. Ovdal almmolaš rahpama, de gullui fáhkkestaga luohti! Ole Johan Eira, gii lea Boazodoalu Ambasadevrraid searvvis, lei bovdehallan álggahit foruma juoigamin. Lei somá gullat ja oaidnit su lávdde alde!

Ole Johan rohtestii luođi!

Generalčálli Ban Ki Moon doalai sártni mas sávai buohkaide bures boahtima UNPFII logát sešuvnna doaluide. Lei erenoamáš oaidnit olbmo gean dábálaččat olmmoš ii oainne earágo TV:s.

Sártnis son atti erenoamáš beroštumi álgoálbmogiid eatnamiidda, ja mo dat gáržžiduvvojit ee. ruvkedoaimmaid, buođđudemiid ja badjelmearálaš murremiid geažil. Son rámbbui álgoálbmogiid buoremus luonddugáhttejeaddjin! Hmm.. Lea go son dat duohta? Eat mii várra nu čeahpit gal leat luondduin, muhto várra buorebu go omd. ruvkefitnodagat ja stuorra el-fápmofitnodagat mat billistit eatnamiid agibeaivái ja dulvadit jogaid olles áhpin? In dieđe.. Son dajai maiddái ahte máilmmis juohke nuppi jagi jápmá okta álgoálbmotgiella! ON dieđuid mielde lea sámegiella áitojuvvon giella – boahtá go son sámegiella jápmit? Hmm.. Sávvamis ii!

Nie manai diet beaivi. Ihtin fas ođđa fearánat!

Advertisements
Dette innlegget ble publisert i Uncategorized og merket med , , , , , , , . Bokmerk permalenken.

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut / Endre )

Twitter picture

Du kommenterer med bruk av din Twitter konto. Logg ut / Endre )

Facebookbilde

Du kommenterer med bruk av din Facebook konto. Logg ut / Endre )

Google+ photo

Du kommenterer med bruk av din Google+ konto. Logg ut / Endre )

Kobler til %s